ସଡକ ଦୁର୍ଘଟଣାରେ ଦୁଇ ଯୁବକ ଗୁରୁତର
ସିପ୍ରା ପଟନାୟକ, ଓଡିଶାବାର୍ତ୍ତା
ଖଲ୍ଲିକୋଟ ,01/05/23:ଆଜି ସନ୍ଧ୍ୟା ୮ଘଣ୍ଟିକା ସମୟରେ ଖଲ୍ଲିକୋଟ ବ୍ଲକ ଅନ୍ତର୍ଗତ ଡିମିରୀୟା ଛକ ନିକଟସ୍ତ ୧୬ ନଂ ଜାତୀୟରାଜପଥରେ ଏକ ସ୍କୁଟି ଦୁର୍ଘଟଣାଗ୍ରସ୍ତ ହୋଇ ଦୁଇଜଣ ଯୁବକ ଗୁରୁତର ଆହତ ହୋଇଥିବା ଜଣାପଡିଛି l ପ୍ରାପ୍ତ ସୁଚନା ଅନୁଯାଇ ଖଲ୍ଲିକୋଟ ଅଞ୍ଚଳର ଅମରନାଥ ବେହେରା ଓ ସମ୍ବିତ ମହାପାତ୍ର କେଶପୁର ଛକ ନିକଟରୁ ନିଜର କିଛି ବ୍ୟକ୍ତିଗତ କାମରେ ରମ୍ଭା ଅଭିମୁଖେ ଏକ ସ୍କୁଟି ଯୋଗେ ଯାତ୍ରା କରିଥିବା ବେଳେ କୌଣସି କାରଣ ବଶତଃ ଗାଡ଼ିଟି ଭାରସାମ୍ୟ ହରାଇ ରାସ୍ତାପାର୍ଶ୍ଵର ଡିଭାଇଡରକୁ ଯାଇ ପିଟି ହୋଇଥିଲା l ଫଳରେ ଉଭୟ ଆରୋହୀ ରାସ୍ତାର ଅପରପାର୍ଶ୍ଵକୁ ଛିଟିକି ହୋଇ ଗୁରୁତର ଅବସ୍ଥାରେ ରାସ୍ତା ଉପରେ ପଡିଥିବା ବେଳେ ବିପରୀତ ଦିଗରୁ ସ୍ଥାନୀୟ ଖଲ୍ଲିକୋଟ ବିଧାୟିକା ସୂର୍ଯ୍ୟମଣି ବୈଦ୍ୟ, ଖଲ୍ଲିକୋଟ ବ୍ଲକ ମହିଳା ବିଜେଡି ସଭାପତି ମିତଞ୍ଜଳି ମିଶ୍ର ଓ ବ୍ଲକ ଅଧ୍ୟକ୍ଷ ଦଇତାରୀ ବେହେରା କୌଣସି କାମରୁ ଫେରୁଥିବା ବେଳେ ରାସ୍ତା କଡ଼ରୁ ଉଭୟ ଗୁରୁତର ଯୁବକଙ୍କୁ ଉଦ୍ଧାର କରି ଖଲ୍ଲିକୋଟ ମେଡ଼ିକାଲରେ ଭର୍ତ୍ତି କରିଥିଲେ l ସମ୍ବିତ ମହାପାତ୍ର ଙ୍କ ସ୍ବାସ୍ଥ୍ୟ ଅବସ୍ଥା ସ୍ତିର ଥିବା ବେଳେ ଅମରନାଥ ବେହେରାଙ୍କୁ ଶକ୍ତ ଆଘାତ ଲାଗିଥିବା ଯୋଗୁଁ ଡାକ୍ତର ପ୍ରାଥମିକ ଚିକିତ୍ସା ପରେ ବ୍ରହ୍ମପୁର ବଡ ମେଡିକାଲକୁ ଉଚ୍ଚ ଚିକିତ୍ସା ପାଇଁ ପଠାଇ ଥିଲେ l କିନ୍ତୁ ଜରୁରୀ କାଳୀନ ସେବା ୧୦୮କୁ ଯୋଗାଯୋଗ କଲାପରେ ୧୦୮ ପହଞ୍ଚିବା ବିଳମ୍ବ ହେତୁ ଡ଼ାକ୍ତରଖାନ ରେ ଅସନ୍ତୁଷ୍ଟ ଓ ଆଂଶିକ ଉତ୍ତେଜନା ଦେଖିବାକୁ ମିଳିଥିଲା l
