ଇମିତି ବି ଆସେ ଦୁର୍ଘଟଣା,ଚାରିଦିନରଶିଶୁକନ୍ୟାକୁ ଛାଡ଼ି ଆରପାରିରେ ମା’
ସିପ୍ରା ପଟ୍ଟନାୟକ ଓଡିଶା ବାର୍ତ୍ତା
ଖଲ୍ଲିକୋଟ :୧୬ ନମ୍ବର ଜାତୀୟ ରାଜପଥ ର ନାରାୟଣୀ ଛକ ନିକଟରେ ଏକ ଡିଜାଇର କାର କୁ ପଛପଟୁ ଏକ କୋଇଲା ଗୁଣ୍ଡ ବୋଝେଇ ଟ୍ରକ ଧକ୍କା ଦେବା ଫଳରେ କାର ରେ ବସିଥିବା ଏକ ପ୍ରସୂତି ମହିଳା ଙ୍କ ମୃତୁ ଘଟି ଥିବା ବେଳେ ଗୋଟିଏ ୪ ଦିନ ର ଶିଶୁ କନ୍ୟା ସମେତ ୪ ଜଣ ଅଳ୍ପକେ ରକ୍ଷା ପାଇଥିବା ଜଣାପଡିଛି l ସୂଚନା ଅନୁଯାଇ ଗତ ଚାରି ଦିନ ତଳେ ଖଲ୍ଲିକୋଟ ଥାନା ଅନ୍ତର୍ଗତ ବାଦପଲି ପଂଚାୟତ ର ମରେଇ ନୂଆଗାଁ ଗ୍ରାମର ପ୍ରଭାକର ଶବର ଙ୍କ ପତ୍ନୀ ପ୍ରେମ ଜ୍ୟୋତି ଶବର ଗର୍ଭବେଦନା ହେବାରୁ ସେ ଖଲ୍ଲିକୋଟ ଗୋଷ୍ଟି ସ୍ୱାସ୍ଥ୍ୟ କେନ୍ଦ୍ର କୁ ଡେଲିଭେରି ପାଇଁ ଆସିଥିଲେ l ଡାକ୍ତର ପ୍ରଥମ ଗର୍ଭ କାରଣରୁ ଏମ କେ ସି ଜି କୁ ପଠାଇଥିଲେ l ତେବେ ସେମାନେ ଏମ କେ ସି ଜି ନଯାଇ ଖୋର୍ଦ୍ଧା ଜିଲ୍ଲାର କୁହୁଡି ର ଏକ ଘରୋଇ ଡାକ୍ତରଖାନା ନେଇ ଡେଲିଭେରି ହେବା ପରେ ମଙ୍ଗଳବାର ଦିନ ଏକ ଡ଼ିଜାଇର କାର ଓ ଡି ୦୭ z ୧୬୬୨ ଯୋଗେ ନିଜ ଗ୍ରାମ କୁ ଫେରିବା ବେଳେ ପଛପଟୁ ଯାଜପୁର ଠାରୁ ଏକ କୋଇଲା ବୋଝେଇ ଟ୍ରକ w B ୨୯ – ୬୨୮୯ ଧକ୍କା ଦେବା ଫଳରେ ଗାଡ଼ିରେ ରେ ବସିଥିବା ପ୍ରସୂତି ମହିଳାଙ୍କ ଶାଶୁ ସୁଭଦ୍ରା ଶବର ଙ୍କ ସମେତ ପ୍ରେମ ପ୍ରଭା ଶବର ଆହତ ହୋଇଥିଲେ l ଆହତ ଙ୍କୁ ଖଲ୍ଲିକୋଟ ମେଡିକାଲ ରେ ଭର୍ତି କଲାପରେ ଡାକ୍ତର ମୃତୁ ଘୋଷଣା କରିଥିଲେ l ଯା ଫଳରେ ୪ ଦିନର ଶିଶୁ କନ୍ୟା କୁ ଛାଡି ଜନ୍ମଦାତ୍ରୀ ଆକ୍ଷି ବୁଜି ପରପାରି କୁ ଚାଲିଯିବା ଫଳରେ ସାଧାରଣରେ ଗଭୀର ସମବେଦନା ପ୍ରକାଶ ପାଇଛି l ପୋଲିସ ଉଭୟ ଗାଡି କୁ ଜବତ କରି ତଦନ୍ତ ଚଳାଇ ଥିବା ବେଳେ ଥାନା ପରିସର ରେ କୋଇଲା ଗାଡି ରେ ନିଆଁ ଲାଗିଯିବା ଯୋଗୁ ଅଗ୍ନି ସମ ସେବା ବାହିନୀ ନିଆଁ କୁ ନିୟନ୍ତ୍ରଣ କରିଥିବା ଜଣାପଡିଛି l
