ତୁଳସୀପୁର ରେ ଆକ୍ରମଣ ଓ ପ୍ରତି ଆକ୍ରମଣ ରେ ଦୁଇ ଆହତ l
ସିପ୍ରା ପଟନାୟକ,ଓଡିଶା ବାର୍ତ୍ତା
ଗଞ୍ଜାମ ଜିଲ୍ଲା : ଖଲ୍ଲିକୋଟ : ୧୬ /୬ ( ସ ପ୍ର ) ଶୁକ୍ରବାର ଦିନ ୧୧ : ୩୦ ମିନଟ ସମୟରେ ଖଲ୍ଲିକୋଟ ଥାନା ଅନ୍ତର୍ଗତ ତୁଳସୀପୁର ଗ୍ରାମର ଆକ୍ରମଣ ଓ ପାଲଟା ଆକ୍ରମଣ ରେ ଦୁଇଜଣ ଆହତ ହୋଇଥିବା ବେଳେ ଜଣେ ଗୁରୁତର ଅବସ୍ଥା ରେ ଏମ କେ ସି ଜି କୁ ସ୍ଥାନାନ୍ତରିତ ହୋଇଥିବା ଜଣାପଡିଛି l ମିଳିଥିବା ସୂଚନା ଅନୁଯାଇ ତୁଳସୀପୁର ଗ୍ରାମର ଯୋଗୀ ପାହାନ ନାମକ ଜଣେ ୬୫ ବର୍ଷୀୟ ବୃଦ୍ଧ ଗ୍ରାମର ବାତ୍ୟା ଆଶ୍ରୟ ସ୍ତଳୀ ରେ ବସିଥିବା ବେଳେ ହଠାତ ସେହି ଗ୍ରାମର କରୁଣା ପାହାନ ନାମକ ୪୫ ବର୍ଷୀୟ ଯୁବକ ଏକ କୋଦାଳ ସାହାଯ୍ୟ ରେ ଆକ୍ରମଣ କରିଥିଲା l ଏହି ଘଟଣା ଦେଖି ଯୋଗୀ ପାହାନ ର ପୁଅ କାହ୍ନ l ପାହାନ କରୁଣା ଧରିଥିବା କୋଦାଳ କୁ ଛଡାଇ କରୁଣା ଉପରେ ପାଲଟା ଆକ୍ରମଣ କରିଥିଲା l ଫଳରେ କରୁଣା ର କାନମୁଣ୍ଡା କୁ ଶକ୍ତ ଆଘାତ ଲାଗିଥିବା ବେଳେ ବୃଦ୍ଧ ଯୋଗୀ ର ମୁଣ୍ଡ ଓ ଛାତି ରେ ଆଘାତ ଲାଗିଥିଲା l ଉଭୟଙ୍କୁ ଚିକିଛା ପାଇଁ ଖଲ୍ଲିକୋଟ ଗୋଷ୍ଟି ସ୍ୱାସ୍ଥ୍ୟ କେନ୍ଦ୍ର ରେ ଭର୍ତି କରାଯାଇଥିଲା l ତେବେ କରୁଣା ଅବସ୍ଥା ଗୁରୁତର ହେବା ରୁ ତାକୁ ଏମ କେ ସି ଜି କୁ ୧୦୮ ରେ ସ୍ଥାନାନ୍ତର କରାଯାଇଥିବା ଜଣାପଡିଛି l ପ୍ରକାଶ ଥାଉକି ଗତ ଫେବୃଆରୀ ମାସ ୧୧ ତାରିଖ ଦିନ କରୁଣା ର ୧୦ ବର୍ଷ ର ସାଙ୍ଗଙ୍କ ମେଳା ରେ ପଂଚାୟତ ଫାଟକ ରେ ଲାଗିଥିବା ଗେଟ ଆଗରେ ଖେଳୁଥିବା ବେଳେ ଲୁହ ଗେଟ ଟି କରୁଣା ର ପୁଅ ପବିତ୍ର ର ମୃତୁ ଘଟିଥିଲା l ସେହିଦିନ ଠାରୁ ତାର ମାନସିକ ଅବସ୍ଥା ଭଲ ନଥିଲା l ତେବେ ଘଟଣା ସମ୍ପର୍କରେ କୌଣସି ଠୋସ ତଥ୍ୟ ମିଳୁନଥିବା ବେଳେ ଏ ଏସ ଆଇ ଓ ଅନ୍ୟାନ୍ୟ ପୋଲିସ କର୍ମଚାରୀ ମାନେ ତୁଳସୀପୁର ଯାଇ ଘଟଣାସ୍ଥଳ ରେ ତଦନ୍ତ କରି ଫେରିଥିବା ଜଣାପଡିଛି l
