କନ୍ୟା ଯାତ୍ରୀ ଗାଡି ଦୂର୍ଘଟଣା ଗ୍ରସ୍ତ ,ତିନି ଗୁରୁତର ଏକ ମୃତ।
ସିପ୍ରା ପଟନାୟକ, ଓଡିଶାବାର୍ତ୍ତା
ବାଣପୁର ,18/05/23:ଗତକାଲି ବିଳମ୍ବିତ ରାତ୍ରିରେ ବାଣପୁର ଥାନା ଅନ୍ତର୍ଗତ ତାଳବରେଇ ଗ୍ରାମର ଏକ କନ୍ୟା ଯାତ୍ରୀ ମାଲବାହୀ ପିକଅପ ଗାଡ଼ି କୋଡିଏ ଜଣ ଯାତ୍ରୀଙ୍କୁ ନେଇ ଖଲ୍ଲିକୋଟ ଥାନା ଅନ୍ତର୍ଗତ ଚିକିଲି ପଞ୍ଚାୟତର କାଳିଞ୍ଜିପଲ୍ଲୀ ଗ୍ରାମରୁ ଭୋଜି ଖାଇ ଫେରୁଥିବା ବେଳେ କୌଣସି କାରଣ ବଶତଃ ଗାଡିଟି ଭାରସାମ୍ୟ ହରାଇ ବେଗୁନିଆପଡା ବରିଡା ମୂଖ୍ୟ ରାସ୍ତାରେ ଓଲଟି ପଡିଥିଲା। ଯାହା ଫଳରେ ସ୍ଥାନୀୟ ଲୋକଙ୍କ ସହାୟତାରେ ଆମ୍ବୁଲାନ୍ସ ଯୋଗେ ଖଲ୍ଲିକୋଟ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ସମସ୍ତ ଆହତଙ୍କୁ ଚିକିତ୍ସା ପାଇଁ ଭର୍ତ୍ତି କରାଯାଇଥିଲା। ଗୁରୁତରଙ୍କ ମଧ୍ୟରେ ସୁବାସ ପ୍ରଧାନଙ୍କ ପୁତ୍ର ପ୍ରଭାତ ପ୍ରଭାତ ପ୍ରଧାନଙ୍କୁ ଡାକ୍ତର ମୃତ ଘୋଷଣା କରିବା ସହିତ ଚନ୍ଦ୍ର ଶେଖର ପ୍ରଧାନ, ସଞ୍ଜୀତ ଜାନୀ ଓ ପ୍ରକାଶ ପ୍ରଧାନଙ୍କୁ ଗୁରୁତର ଅବସ୍ଥାରେ ଅଧିକ ଚିକିତ୍ସା ପାଇଁ ବ୍ରହ୍ମପୁର ଏମ କେ ସି ଜିକୁ ସ୍ଥାନାନ୍ତରିତ କରାଯାଇଛି। ଯାହା ଫଳରେ ଖଲ୍ଲିକୋଟ ମେଡିକାଲ ପରିସରରେ ଏକ ଶୋକାକୁଳ ପରିବେଶ ସୃଷ୍ଟି ହୋଇଛି।
