କଲ୍ୟାଣ ମଣ୍ଡପ କୁ କେନ୍ଦ୍ର କରି ଗ୍ରାମବାସୀ ନିଜସ୍ୱ ଭିତରେ ମରାମରି ,ଗୋଷ୍ଠୀ ସଂଘର୍ଷ
ସନ୍ତୋଷ କୁମାର,ଓଡ଼ିଶା ବାର୍ତ୍ତା
ନବରଙ୍ଗପୁର,୧୩/୬/୨୧:ଆଜି ଗୋଟିଏ ଗାଁ ର ଗ୍ରାମ ବାସୀ ଙ୍କ ଭିତରେ ନିଜ ଗାଁ ରେ ସରକାରଙ୍କ ଅନୁମୋଦିତ ନୂତନ କଲ୍ୟାଣ ମଣ୍ଡପ ତିଆରି କୁ ନେଇ ବଡ ଧରଣର ଗୋଷ୍ଠୀ ସଂଘର୍ଷ ହୋଇଛି ।୨୦୧୮/୧୯ମସିହା ଆର୍ଥିକ ବର୍ଷ ଅନୁସାରେ ଅଟକଳ ମୂଲ୍ୟ ଟ ୩୫,୦୦୦୦୦ଲକ୍ଷ୍ୟ ରେ ନିର୍ମାଣ ହେବାକୁ ଥିବା “କଲ୍ୟାଣ ମଣ୍ଡପ” କୁ ନେଇ ଗୋଷ୍ଠୀ ଗଣ୍ଡଗୋଳ ହୋଇ ମରାମରି ପର୍ଯ୍ୟନ୍ତ କଥା ଯାଇଛି । ଏଭଳି ଅଭାବନୀୟ ଘଟଣା ଆଜି ନବରଙ୍ଗପୁର ଜିଲ୍ଲା କୋଷଗୁମୁଡ଼ା ବ୍ଲକ ଅନ୍ତର୍ଗତ ବାମୁଣି ପଞ୍ଚାୟତ ର ରାମ ପାଲି ଗାଁ ରେ ଘଟିଛି । ରାମ ପାଲି ଗାଁ ର ୬ନମ୍ବର ୱାର୍ଡ ବାସୀ ଏହି ଗଣ୍ଡଗୋଳ ଆଗରୁ ହୋଇଛି ଏବଂ ବ୍ଲକ ପ୍ରଶାସନ ଙ୍କୁ ମଧ୍ୟ ଜଣାଇ ଥିଲୁ ବୋଲି କହିଛନ୍ତି । ଆଜିର ଗଣ୍ଡଗୋଳ କୁ ନେଇ କଥା କୋଷଗୁମୁଡ଼ା ଥାନା ପର୍ଯ୍ୟନ୍ତ ମଧ୍ୟକଥା ଯାଇଥିବା ସୂଚନା ଦେଇଛନ୍ତି ଗ୍ରାମର ଲୋକମାନେ । ବର୍ତ୍ତମାନ ଏହି ଭଳି କରନା ପରିସ୍ଥିତି ରେ ନିର୍ମାଣ ଧୀନ କାମ କୁ ଶ୍ରମିକ ର ଅଭାଵ ବେଳେ କାର୍ଯ୍ୟ କୁ ବନ୍ଦ କରି ଗଣ୍ଡଗୋଳ କରିବା କଣ ଠିକ ଥିଲା କି ବୋଲି ସ୍ଥାନୀୟ ଭଦ୍ର ବ୍ୟକ୍ତି ମାନେ କହିଛନ୍ତି । ବର୍ତ୍ତମାନ ବାକି ରହିଲା ରାମ ପାଲି ରେ କଲ୍ୟାଣ ମଣ୍ଡପ କାର୍ଯ୍ୟ ଆରମ୍ଭ ହେବ ନା ନାହିଁ ଓ ଶାନ୍ତି କିପରି ଫେରି ଆସିବ, ତା ଉପରେ ପ୍ରଶାସନ ଦୃଷ୍ଟି ଦେବାକୁ ସାଧାରଣ ରେ ଦାବୀ ହୋଇଛି ।
