କରୋନା ସମୟର କାର୍ଟୁନ ବହି ଉନ୍ମୋଚିତ
ଓଡ଼ିଶା ବାର୍ତ୍ତା
ଢେଙ୍କାନାଳ: ଭାରତୀୟ ଜନ ସଂଚାର ସଂସ୍ଥାନ ପକ୍ଷରୁ ‘କରୋନା ସମୟର କାର୍ଟୁନ’ ବହି ଉନ୍ମୋଚିତ ହୋଇଛି । କରୋନା ମହାମାରୀ ଆରମ୍ଭ ସମୟରୁ ବିଭିନ୍ନ ପତ୍ରପତ୍ରିକା, ସାମାଜିକ ଗଣମାଧ୍ୟମରେ ପ୍ରକାଶିତ କାର୍ଟୁନକୁ ନେଇ ଏହି ବହି ପ୍ରସ୍ତୁତ କରାଯାଇଛି । ଶନିବାର ଅପରାହ୍ଣରେ ଏକ ସ୍ୱତନ୍ତ୍ର କାର୍ଯ୍ୟକ୍ରମ ଅବସରରେ ସଂସ୍ଥାନର ଆଞ୍ଚଳିକ ନିର୍ଦ୍ଦେଶକ ପ୍ରଫେସର ଡ. ମୃଣାଳ ଚାଟାର୍ଜୀ ଏହାକୁ ଉନ୍ମୋଚନ କରିଥିଲେ । ମହାମାରୀ ପରବର୍ତ୍ତୀ ସମସ୍ୟା, ଲକ୍ଡାଉନ, ରାଜନୀତି, ସାମାଜିକ ସମସ୍ୟା ଆଦି ବିଭିନ୍ନ ଦିଗକୁ ନେଇ ପ୍ରକାଶିତ କାର୍ଟୁନକୁ ପ୍ରଫେସର ଚାଟାର୍ଜୀ ସଙ୍କଳନ କରିଛନ୍ତି । ପାଠ୍ୟକ୍ରମ ସଂଯୋଜକ ଜିତେନ୍ଦ୍ର ପତି ବହିର ଡିଜାଇନ କରିଛନ୍ତି । ବହିଟି ଆଗାମୀ ଦିନରେ ମହାମାରୀ ସମୟର ସମସ୍ୟାକୁ ଜାଣିବାରେ ସହାୟକ ହେବ ।
