ବାଣପୁର ଉପକାରାଗାରରୁ୧୦ଫୁଟଲମ୍ବରଅହିରାଜଉଦ୍ଧାର(!).
ଓଡିଶାବାର୍ତ୍ତା
ବାଣପୁର :ଖୋର୍ଦ୍ଧା ଜିଲ୍ଲାର ବାଣ ପୁର ସବ ଜେଲ ରୁ ଉଦ୍ଧାର ହୋଇଛି ଏକ ବିରାଟ ଅହିରାଜ ସାପ । ଗତ କାଲି ସନ୍ଧ୍ୟା ପ୍ରାୟ ୮ ଟା ବେଳେ ବାଣପୁର ସବ ଜେଲ ଭିତରକୁ ପ୍ରବେଶ କରି ବିଷଧର ଅହିରାଜ ସାପ ଟି ଏକ ପାଇପ ଭିତରେ ଲୁଚି ଯାଇଥିଲା । ଜେଲର ଙ୍କ ଠାରୁ ଖବର ପାଇ, ସ୍ନେକ ହେଲ୍ପ ଲାଇନ ସଦସ୍ୟ ସ୍ଵପ୍ନାଲୋକ ମିଶ୍ର ଘଟଣା ସ୍ଥଳରେ ପହଞ୍ଚିବା ବେଳକୁ, ଜେଲ ରେ ଲାଇନ୍ ନଥିଲା । ଲାଇନ୍ ଆସିବା ପର୍ଯ୍ୟନ୍ତ ପ୍ରାୟ ଅଧା ଘଣ୍ଟାଏ କାଳ ଅପେକ୍ଷା କରିବା ପରେ, ଲାଇନ୍ ଆସିବା ପରେ ସ୍ୱପ୍ନାଲୋକ ୧୦ ଫୁଟ ରୁ ଅଧିକ ଲମ୍ବର ଅହିରାଜ ସାପ ଟିକୁ ଉଦ୍ଧାର କରିଥିଲେ । ପରେ, ବନ ବିଭାଗର ଉପସ୍ଥିତିରେ ରାତାରାତି ଅହିରାଜ ଟିକୁ ନାରାୟଣୀ ପାହାଡ ରେ ଥିବା ଜଙ୍ଗଲ ଭିତରେ ଛାଡି ଦିଆଯାଇଛି ।
ଯଦିଓ ଆଗରୁ ଭୁବନେଶ୍ୱର ସ୍ଥିତ ଝାରପଡ଼ା ଜେଲ ହେଉ କିମ୍ବା କଟକ ରେ ଚୌଦ୍ଵାର ଜେଲ, ବ୍ରହ୍ମପୁର ଜେଲ, ପୁରୀ, ଯାଜପୁର, ଇତ୍ୟାଦି ରୁ ବିଷଧର ନାଗ ସାପ ଙ୍କୁ ସ୍ନେକ ହେଲ୍ପ ଲାଇନ ପକ୍ଷ ରୁ ଉଦ୍ଧାର କରାଯାଇଥିଲା । ହେଲେ, ଜେଲ ରୁ ଅହିରାଜ ଉଦ୍ଧାର ହେବା ଖାଲି, ଓଡ଼ିଶା କାହିଁକି ଭାରତରେ ସମ୍ଭବତଃ ପ୍ରଥମ ଘଟଣା ବୋଲି କହିଚନ୍ତି ସ୍ନେକ ହେଲ୍ପ ଲାଇନ ର ସାଧାରଣ ସମ୍ପାଦକ ଶୁଭେନ୍ଦୁ ମଲ୍ଲିକ ।
