ଆସିକା ରେ କାଳବୈଶାଖୀ ର ତାଣ୍ଡବ ନାଟ ! ଵଜ୍ରାଘାତ ଜଣେ ମୃତ (!).
ସିପ୍ରା ପଟନାୟକ,ଓଡିଶାବାର୍ତ୍ତା
ଆସିକା ,28/05/23:ପ୍ରବଳ ବର୍ଷା ଓ ପବନ ଯୋଗୁଁ ବିଭିନ୍ନ ସ୍ଥାନରେ ବିରାଟ ଗଛ ଭାଙ୍ଗିବା ସହ ବିଦ୍ୟୁତ ଖୁଣ୍ଟ ପଡି ରାସ୍ତା ଅବରୋଧ ହୋଇଯାଇଥିଲା ! କାଳବୈଶାଖୀ କବଳ ରୁ ଆସିକା ନୂଆଁ ଗାଁ ଆଖପାଖ ଠାରେ ମଧ୍ୟ ବିଦ୍ୟୁତ ଖୁଣ୍ଟ ଭାଙ୍ଗି ପଡିବା ବାଦ ପଡ଼ିନଥିଲା । ଏହା ଫଳରେ ଆସିକା ତଥା ଆଖ ପାଖ ଅଞ୍ଚଳ ବିଦ୍ୟୁତ ରୁ ବିଛିନ୍ନ ହେବା ସହ ନାହିଁ ନଥିବା ଅସୁବିଧା ର ସମୁଖୀନ ହେବାକୁ ପଡିଥିଲା ! ଏହି ସମୟରେ ବିଦ୍ୟୁତ ବିଭାଗ ପକ୍ଷରୁ କାଳ ବିଳମ୍ଭ ନକରି ସମସ୍ତ କର୍ମଚାରୀ ଗଛ କଟା କରି ରାସ୍ତା ସଫା କରିବା ସହ ବିଦ୍ୟୁତ ଖୁଣ୍ଟ କୁ ସଜାଡି ବିଦ୍ୟୁତ ଚାର୍ଜ କରିଛନ୍ତି. ବିଦ୍ୟୁତ ବିଭାଗ ର ଏପରି ତତ୍ପରତା କାର୍ଯ୍ୟକ୍ରମ ପାଇଁ ସ୍ଥାନୀୟ ଜନ ସାଧାରଣ କୃତଜ୍ଞତା ଜ୍ଞାପନ କରିବା ସହ ସାଧୁବାଦ ଜଣାଇଛନ୍ତି !
ଵଜ୍ରାଘାତ ଜଣେ ମୃତ :ଵଜ୍ରାଘାତରେ ଜଣଙ୍କର ମୃତ୍ଯୁ ଘଟିଛି l ମୃତକ ଜଣକ ହେଲେ ଖାରିଆ ଗ୍ରାମର ଆଲୋକ ବେହେରା ବୟସ 30 ଅଟେ l ଆଜି ଅପରାହ୍ନ 3.30 ରେ ଖାରିଆ ଗ୍ରାମର ଆଲୋକ ବେହେରା ଘରୁ ବାହାରକୁ କେଉଁଆଡେ ଯାଇଥିଲେ l ଉକ୍ତ ସମୟରେ ପ୍ରବଳ ମାତ୍ରାରେ ବର୍ଷା ଓ ଘଡ ଘଡି ହେଉଥିଲା ସେ ଘରକୁ ନ ଫେରିବାରୁ ଘର ଲୋକ ଏଣେ ତେଣେ ଖୋଜା ଖୋଜି କରି ଶେଷରେ ଜାଣିବାକୁ ପାଇଥିଲେ ଯେ ଆଲୋକ ଧୋବାଡି ମାରାଟୀ ସାହି ନିକଟରେ ମରିପଡିଛି l ସଙ୍ଗେ ସଙ୍ଗେ ତାଙ୍କ ଘର ଲୋକ ଘଟଣା ସ୍ଥଳରେ ପହଞ୍ଚି ଜାଣିବାକୁ ପାଇଥିଲେ କି ଘଡ ଘଡି ମରିବା ଯୋଗୁଁ ଆଲୋକର ମୃତ୍ଯୁ ଘଟିଛି l ଏନେଇ ମୃତ ଆଲୋକର ଭାଉଜ ସୁମିତ୍ରା ବେହେରା କୋଟିନଡ଼ା ଥାନାରେ ଏକ ଲିଖିତ ଅଭିଯୋଗ କରିଥିଲେ l ଅଭିଯୋଗ କୁ ଭିତ୍ତି କରି କୋଟିନଡ଼ା ଥାନା ପକ୍ଷରୁ କେସ ନମ୍ବର 4/23 ପ୍ରକାରେ ମାମଲା ରୁଜୁ କରି ପୋଲିସ ଶବ କୁ ଜବତ କରି ଆସିକା ଉପଖଣ୍ଡ ଚିକିତ୍ସା ଲୟରେ ଆସନ୍ତା କାଲି ଶବ ବ୍ୟବଛେଦ କରି ପରିବାର ଲୋକ ଙ୍କୁ ହସ୍ତାନ୍ତର କରିବେ ବୋଲି ଥାନାଧିକାରୀ କୃଷ୍ଣ ସାହା ସୁଚନା ପ୍ରଦାନ କରିଛନ୍ତି।
