ପୁରାତନ ଛାତ୍ର ସଂଗଠନ ତରଫରୁ ଆସ୍ପିରେଶନର ଶୁଭ ଉଦଘାଟନ
ସିପ୍ରା ପଟ୍ଟନାୟକ ,ଓଡିଶାବାର୍ତ୍ତା
ଖଲ୍ଲିକୋଟ ,( 22/04/23:୭୫ ବର୍ଷର କଳା ଓ କଳାକାରର ଏନ୍ତୁଡ଼ିଶାଳ ଖଲ୍ଲିକୋଟ ଚାରୁ ଓ କାରୁକଳା ମହାବିଦ୍ୟାଳୟ l କେତେ ଯେ କଳା ସ୍ତାପତ୍ୟକୁ ଜୀବନ୍ତ ରୂପ ଦେବା ସହ ସୁଦକ୍ଷ କଳାକାରଙ୍କୁ ଜନ୍ମ ଦେବାରେ ଗୁରୁତ୍ବ ପୂର୍ଣ୍ଣ ଭୂମିକା ଗ୍ରହଣ କରିଆସୁଛି ଏହି ଅନୁଷ୍ଠାନ l ଆଜି ୧୫୨ଜଣ ପଞ୍ଜୀକୃତ ପୁରାତନ ଛାତ୍ର ଓ ମହାବିଦ୍ୟାଳୟ ର ସମସ୍ତ କର୍ମ କର୍ତ୍ତା ଙ୍କ ସହଯୋଗରେ ଭବ୍ୟ ଆୟୋଜନ ଅନୁଷ୍ଠିତ ହୋଇଥିଲା।ବରିଷ୍ଟ ଚିତ୍ର ଶିଳ୍ପୀ ଅସିତ୍ ପଟ୍ଟନାୟକ ଙ୍କ ସଭାପତିତ୍ବ ରେ ପ୍ରକ୍ତନୀ ସଂଗଠନ ତରଫରୁ କଳା ମହାବିଦ୍ୟାଳୟ ର ନିକଟସ୍ତ ଖେଳ ପଡିଆ ଠାରେ ଆସ୍ପିରେଶନ ଭଳି ଏକ କାର୍ଯ୍ୟ କ୍ରମ ଉଦ୍ଘାଟିତ ହୋଇଥିଲା l ଏହି କାର୍ଯ୍ୟକ୍ରମ ରେ ଓଡ଼ିଆ ଭାଷା ସାହିତ୍ୟ ଓ ସଂସ୍କୃତି ମନ୍ତ୍ରୀ ଶ୍ରୀ ଅଶ୍ଵିନୀ କୁମାର ପାତ୍ର ଯୋଗଦେଇ ବିଦ୍ୟାଳୟ ପରିସର ମଧ୍ୟରେ ମୁକ୍ତକଳା ପ୍ରଦର୍ଶନୀକୁ ଆନୁଷ୍ଠାନିକ ଭାବେ ଉଦଘାଟନ କରି ଛାତ୍ର ଛାତ୍ରୀ ମାନଙ୍କ ଦ୍ୱାରା ପ୍ରଦର୍ଶିତ ଫୋଟ ଚିତ୍ର କୁ ବୁଲି ଦେଖିଥିଲେ l ଏହି କାର୍ଯ୍ୟକ୍ରମ ରେ ସ୍ଥାନୀୟ ବିଧାୟିକା ସୁର୍ଯ୍ୟ ମଣି ବୈଦ୍ୟ,ମହାବିଦ୍ୟାଳୟ ଅଧକ୍ଷ ସୁବ୍ରତ ମଲ୍ଲିକ ଓ ଏନ ଏ ସି ଅଧକ୍ଷ ଶ୍ରୀ ନିରଞ୍ଜନ ବେହେରା ଯୋଗ ଦେଇ ମହାବିଦ୍ୟାଳୟର ବିଭିନ୍ନ ଉନ୍ନତି ଦିଗରେ ଦୃଷ୍ଟି ନିକ୍ଷେପ କରିବା ସହିତ କଳା ଓ କଳାକାରଙ୍କ ଜୀବନ ଜୀବିକା ଉପରେ ଆଲୋକପାତ କରିଥିଲେ l ପ୍ରକ୍ତନି ସଂଗଠନ ର ସମ୍ପାଦକ ରେବତୀ କାନ୍ତ ମହାରଣା କାର୍ଯକ୍ରମ ର ବିବରଣୀ ପାଠ କରିଥିଲେ l ଏହି କାର୍ଯ୍ୟକ୍ରମରେ ପୁରାତନ ଛାତ୍ର ସମେତ ଖଲ୍ଲିକୋଟ ର ୫୦୦ ରୁ ଉର୍ଦ୍ଧ୍ବ ବୁଦ୍ଧିଜୀବୀ ଯୋଗଦେଇ ଭବ୍ୟ କାର୍ଯକ୍ରମ କୁ ଭୂରି ଭୂରି ପ୍ରସଙ୍ଗସା କରିଥିଲେ l
